جاو مالجنوب على ساقيهم، حفايا جواعا و مظلومين و نحلف على شطركم (كان مش كلّكم) لا عمركم حطّيتو ساقيكم في سيدي بوزيد و قراها ولاّ القّصرين ولاّ تالة...وتسمعو بالمزونة و
الرّديف و بن قٌردان سمع...فكّرتشي يا مواطن تحطّ روحك في بلاصة انسان تقتلو عزيز عليه ظلم؟
فكّرتشي تعيش عيشة عبد (ولو للحظات في مخّك) يخلص 130 دينار في الشّهر و أقلّ؟
فكّرتشي انّك تحسّ احساس مظلوم كيف يشكي و يلقى روحو ولاّ هو ظّالم و الحيوط تسمعو اكثر مالنّاس؟
ما ظاهرلي!!!ا
مالا كيف قدّر ربّي....احترم النّاس اللي جات على ساقيها هالمسافة الكلّ بش توصّل حرقتها و حزنها...احترم النّاس اللّي ظلمهم التّاريخ و الطّبيعة و حكّام بلادهم...احترم ناس بدمهم جابو الاستقلال (كيما التّوانسة الكلّ
الذين يسميهم البعض نزوح و قعار و جبورة
الذين يسخر منهم البعض و يضحك عليهم في مسلسلاتنا كل رمضان مع إنهم بالعكس يضحكونا و يفرهدونا
الذين فطورهم بسيسة و عشائهم خبز و هريسة
الذين لا يملكون من الوطن سوى هوائه النقي
الذين يحشمو بيهم قدام التوريست
هؤلاء هم بوجمعة و السبتي و خميس و منوبية و محرزية و لخضر
هؤلاء لم يدخلوا البنك بل دخلوا التاريخ
سُرقت ثروتهم فلا تسرقوا ثورتهم